حكايه سلسبيل واستقبال وسرار

...قصه ليها العجب وكلها اسرار

...تعالى احكيها لك ياعم شهريار

...كان يا مكان كان فى فى مصر شويه احرار

...خيرت ومالك وجواد اصلهم من التجار

...ومعاهم ناس محترمه وكمان اخوان شطار

...عايزين يعملوا نهضه ويخلوا مصر عمار

...واشتغلوا وتعبوا وسهروا ليل و نهار

...واخدوا الموضوع جد ومن غير هزار

...اصلهم عايزين ينجحوا وعندهم اصرار

...وشغلوا الشباب و كمان عملوا استثمار

...وبدل الدوله ما تشكرهم سجنتهم ورا الاسوار

...واللى يشتغل فى مصر لازم يعوم ضد التيار

...تيار الظلم والرشاوى والفساد والمرار

...ولو قلت كلمه الحق تتاخد من غير انذار

...وتتصادر فلوسك وتتسرق بدون اعذار

...يا اما تكون عازف درامز او حتى جيتار

...وتتاجر فى دم الشعب المصرى المحتار

...وتملك مصنع حديد وتتحكم فى الاسعار

...وتتدفع رشاوى لكل واحد من الكبار

...هى دى الروشته بتاعت النجاح والازدهار

...انك تسرق وتقتل وتتاجر فى الافكار

...ولو مش عاجبك هتتاخد وتترمى ورا الاسوار

...ولا يطلع عليك شمس ولا حتى نهار

...عرفتوا ياناس ليه اقتصادنا فى انهيار