Sunday, March 4, 2007


الفرق بين عائشة حسن مالك . . . . . . وجمال حسني مبارك

اللي معاه فلوس في البلد قدامه حاجة من ثلاثة :
1- يلم فلوسه ويسافر بره أي بلد نضيفة يستثمر فيها على نضافة.
2- يقضيها في البلد دي رشاوي وفساد وبالمرة ينضم للحزب و يشتري لنفسه مكان في مجلس الشعب وبعد كدة في لجنة السياسات وبعد كده يبقي وزير وبعد كده يموت وربنا يحاسبه.
3- آخر إختيار إنه يشتغل على نضافة ويفتح شركات ويشتغل عشان مصلحة الوطن ويدعم الإقتصاد المصري وبعد كده تيجي شلة حرامية ونصابين ومزورين وسفاحين وشياطين وظلمة ياخدوا فلوسه ويشردوه ويرموه في السجن ويجمدوا فلوسه ويقفلوا شركاته ويحولوه محاكمة عسكرية.
اللي عاوز يعرف الفرق بين الأصناف دي يتفرج ع الصور ويشوف الفرق

يشوف الفرق بين خيرت الشاطر و ممدوح اسماعيل



يشوف الفرق بين عبد الرحمن سعودي وأحمد عز


يشوف الفرق بين حسن مالك ورامي لكح



يبص على صورة أي واحد من اللي إتجمدت أموالهم واتقفلت شركاتهم واترموا في السجن وبيتحاكموا محاكمة عسكرية



ويبص على صورة أي واحد من اللي غرقوا الناس وحرقوهم وشردوهم في العبارات والقطرة والمحارق أو اللي احتكروا الحديد أو الي داخلين مجلس الشعب والشوري ولجنة السياسات والوزارة بفلوسهم
بص على الوشوش وانت تعرف الفرق شوف كل واحد بيفكرك بإيه
بيفكرك بالشرف والأمانة والطهارة والنضافة والتضحية والحب والنقاء والإيجابية والعمل والحرية
ولا بيفكرك بالفساد والخراب والإحتكار والرشوة والخيانة والنفاق و التزوير والتزييف والبلطجة والقهر والبطش والإفترا والتدليس و الظلم والسرقة والإختلاس والمحسوبية.
هاخنقك أكتر وأوضحلك الفرق أكتر
بص على عائشة حسن مالك و عينها بتدمع على أبوها وهي بتكلمه من وراء الأسلاك ونفسها ياخد إفراج



وبص على صورة جمال مبارك وهو قاعد ورا أبوه بيبحلق فى الكاميرات ومستني لما الكرسي يفضى عشان يقعد عليه


شفت بأه الفرق بين عائشة حسن مالك وجمال مبارك
نقلا عن مدونه اااااه يا بلد

http://2ahyabalad.blogspot.com/

2 comments:

طبيب إسكندراني مطحون said...

جزاكم الله خيراً علي إعادة نشر التدوينة

طبيب إسكندراني مطحون said...

أَمْ حَسِبْتُمْ أَن تَدْخُلُواْ الْجَنَّةَ وَلَمَّا يَأْتِكُم مَّثَلُ الَّذِينَ خَلَوْاْ مِن قَبْلِكُم مَّسَّتْهُمُ الْبَأْسَاء وَالضَّرَّاء وَزُلْزِلُواْ حَتَّى يَقُولَ الرَّسُولُ وَالَّذِينَ آمَنُواْ مَعَهُ مَتَى نَصْرُ اللّهِ أَلا إِنَّ نَصْرَ اللّهِ قَرِيبٌ ...
( البقرة- الجزء الثاني