Saturday, April 14, 2007

أنا نجحت

أنا نجحت
مكنتش مصدقة انى كنت ممكن أنجح فىالترم الأولانى فى كليتى و كنت خلاص بحضر
نفسى انى أعيد اسنة لأن كانت ليلة امتحان أول مادة فى امتحانات الترم الأولانى كانت
ليلة اعتقال أبى
وكانت أمى ومعاذ مسافرين للحج فى باقى الامتحانات
أنا أول لما عرفت أنى نجحت عيطت جامد أوى
أولا : لان ربنا كرمنى ونجحت بتقدير جيد
ثانيا :كان نفسى أول واحد يعرف انى نجحت هو بابا زى كل سنة
خديجة

24 comments:

أحمد سعيد بسيوني said...

بسم الله
الف مليون مبروك
وعقبال اخر السنة
يااااااااا رب
مع خالص تحياتي
البحر

فاروتا المصرى said...

الف الف مبروك على النجاح
هو ده ضد الظلم احسن سلاح
ووالدك بنجاحك بقى مرتاح
عايزين بقى الحلاوة تكون تفاح


مبروك يا اخت خديجه

فاروتا المصرى
الحريه لعبد الجواد
http://farota2.blogspot.com/

Anonymous said...

مبروك يا خديجة
وان شاء الله امتياز فى اخر السنة
نيرة عصام

معتزعادل said...

الف الف الف مبروك
وعقبال نهايه العام

وعقبالي انا كمان نتيجتي بتظهر الوقتي

الدعاء

About Me said...

الف مبروك يا خديجة...عقبال الليسانس يا رب

3omaroo said...

الف الف مبروك يا خديجة

و اذا كانوا اخدوا والدك
و معاذ و والدتك كانوا مسافرين
فا انتى كان معاكى ربنا سبحانه و تعالى
لأن اللى والده بيتاخد فى سبيل الله بيكون فى معية الله حتى يرجع ابوه


و ان شاء الله اخر السنة تيجيبي احلى امتياز

Anonymous said...

ألف مبروك يا ديجة وعقبال الليسانس ويكون بتقدير امتياز بإذن الله ونعمل حفلة كبيرة ويكون بابا وكل الشرفاء المعتقلين معانا بإذن الله

د/ هالة حافظ

Anonymous said...

اولا و مبدايا الف الف الف مبروك النجاح و عقبال يا رب اخر السنة بس تكون امتياز باذن الله
ثانيا
بس كنت عاوز اقول ان ربنا ابدا مش بيسيب اي حد عمل و اشتغل و ضحي للاسلام .يعني انه لو اختفت الاسباب (كانت ليلة الامتحان) فلازم نعرف ان مسبب الاسباب موجود.الف مبروك تاني و سلامنا للاهل جميعا

الـفجـريـــة said...

مبرووووووووووووووووووووووووك يا خديجة

ربنا يباركلك الترم التانى كمان وتخلصى على خير..

بقالى كتير مشفتكيش بس ان شاء الله قريب اشوفك

سلامى للجميع

Anonymous said...

صفعة علي وجة كل ظالم,,,,,,,,,,,,الف مليون مبروك

همسة قلم said...

ألف مبروك النجاح ياخديجة

وعقبال التخرج ياجميلة من الكلية ان شاء الله وعمو حسن يفرح بيكِ وبتخرجك ونجاحك وهو معاكم ان شاء الله


وعلى فكرة نجاحك ونجاح كل أبناء المعتقلين أكبر رسالة ممكن تتوجه لظلمة اننا مهما عملوا فينا بننجح ومش بنلين ومش بنموت

ألف ألف مبروك نجاحك وعقابل التيرم التانى كمان ان شاء الله


أسماء

Anonymous said...

الف مبررررررررررروك يلا اخت خديجة و عقبال التخرج
و اعتقد ان ده احسن رد علي الظلمة رد عملي مش بتوع كلام و خلاص و نكمل الشعار بتاع المرحلة
مش هنبطل ...مش هنسيب ...مش هنسافر
كمان
هنتميز ...هنتفوق ...و هننجح
ونكمل مشوار بدأه اباءنا واخوانا و مهما عملوا مش هنحيد عن الطريق الف مبروك

شهاب الأزهر said...

جعل الله نجاحك من أفضل القربات

وزاد به رصيدك بالحسنات

ورفعك به في الجنة درجات ودرجات

وأقر به عين أبيك وسائر الإخوة والأخوات

وأدام عليك هذه النعمة وأعقبها بالمسرات

بالإفراج عن أبيك وأعمامك وإغلاق المعتقلات

ورحيل الفاسدين من القصور والعمارت


آمين ..

ما تقولوا آمين يا إخوة وانتم كمان يا أخوات ؟!!؟!

فاروتا المصرى said...

اللهم اميييييييين
انصر الاخوان المسلمين
وخلى ابنائهم دايما ناجحين
وانصرهم على كل الظالمين
ورد اليهم ابائهم امنييين
وفرحنا يارب بنصر لهذا الدين
يكون نصر قوى متين
على ايد الاخوان المسلمين

فاروتا المصرى said...

ااه نسيت اكتب
فاروتا المصرى
الحريه لعبد الجواد

آلاء الرحـمـن said...

الف مبروووك النجاح يا خديجه

ربنا يسعد ايامك ديما

و يرزقك التوفق ديما يا قمر

و يقر عين والديكى بيكى

محمد القصاص said...

الف مبروك النجاح و عقبال آخر العام ان شاء الله و بإذن الله هيكون الوالد اول واحد يعرفها و يكون ربنا رجعهلكوا بالف سلامة

3omaroo said...

رغم سفر امها و اخوها
رغم اللي جم اخدوا ابوها.
نجحت خديجة وهنوها
هى دى عادة الأخوان
هما عليها من زمان
حتى لو كانوا فى اللُمان
الأخوان اولادهم نجحوا
رغم المحنة ذاكروا و فلحوا
شفنا خديجة و أخوها معاذ
شفنا سعودى و بنت الشاطر
نجحوا رغم أى مخاطر

و احنا هنفضل على ده الحال
لازم نصنع المُحال
و هيفضل طريقنا سالك
للنجاح بدون مهالك
بكرة تشوفوا ألف خيرت
بكره تشوفوا الف مالك


مش هنبطل ... مش هنسافر ... مش هنسيب.... هنذاكر ....و هننجح .... و هنتفوق.... و هنتميز....

Anonymous said...

ألف مبرووووووك
وإن شاء الله نتيجة الترم التانى يجيبهالك والدك بنفسه

Anonymous said...

الف مبروك ياخديجه وتقبلي خالص تحياتي لك ولاسره البطل المعطاء المهندس حسن مالك اسأل الله ان يفك اسره ويرجعه لكم سالما معافا


الف مبروك كمان مره ومتنظرين مزيد من النجاحات

Anonymous said...

الف مبروك وعقبال البكالريوس على ياريت معاذ يكلمنى ده رقمى ولا ده ايميلىdr_chronic3@yahoo.com

Anonymous said...

ياريت ضرورى .....معاذ ابعت لى رقمك على ايميلى عشان اكلمك

Anonymous said...

لماذا نطارد من كل شئ
وننسى الامان على ارضنا
ويحملنا الياس خلف الحياه
ونكره كالموت اعمارنا

انا راجع said...

مبروووووووووووووووووك