الجنية
النهاردة كان عندى زيا رة لبابا و أنا رحت بعد لما أهلى راحوا كلهم علشان كنت محتاجة انام شوية رحت تقريبا على الساعة 11 لما وصلت سبت الشنطة فى العربية زي كل مرة علشان قرف التفتيش أخدت منها بس البطاقة و لما دخلت
أفتكرت أنى لازم أدفع جنية علشان أركب الطفطف و حتى لو مركبتش لازم أدفع و مكتوب على التذكرة اختيارى
المهم قلت للراجل أنا معيش فلوس قلى أنا مليش دعوة لو مدفعتيش مش حتدخلى قلتله أدفعلى انت و لما أطلع حديك
خمسة جنية قلى ماينفعش يا مدام لو مدفعتيش مش حادخلك استنى أي حد يجى تعرفيه و خدى منه الفلوس و أنا قلت
لنفسى لو طلعت أجيب الفلوس من برة حاتأخر نصف ساعة أولا لازم أعدى الطريق السريع المرعب و أستى شوية
علشان حسنى مبارك حايعدي فحيأخرونى برده مدة كبيرة
المهم قلت حاستنى أي حد أعرفه فى الأخر بعد نصف ساعة تقريبا لقيت هاجر أحمد شوشة قلتلها أحمدك يارب أنا عايزة جنية علشان أدخل
3 comments:
حسبنا الله و نعم الوكيل
فعلا عالم شحاته
بس شحاتين بجحين يعنى التذكره مكتوب عليها اختياري بس لازم ندفعها برضوا
حتى دى يا ربي فيها ظلم
الناس دي مينفعش معاهم غير نظام التنفيييييييض
sorry
بس فعلاً البني أدمين دول "لو جاز إن إحنا نسميهم بني أدمين أساساً" مبيفهموش غير لغة الغطرسه و العنجهيه
إزاي
أنا لما كان الوالد متاخد في شهر 5 إلي فات برضه كنت رايح متأخر ... بس كانت أول مره ليا أدخل السجن في المنحه دي
فعمي كان زبون هناك
24 ساعه بايت لهم
فقالي ‘نت أول ما تدخل إفرد صدرك و بص لفووووق و إي حد يكلمك قول له أنا داخل ل حسام بيه
ميييييييين حسام بيه دا ؟؟؟
أنا معرفش
و كانت هي دي الطريقه السحريه للتعامل
!! .....مع هؤلاء الـ
جربيها يمكن تشتغل معاكي
يس خلي في جيبك جنيه إحتياطي علشان لو قابلتي حسام بيه دا في وشك ولا حاجه
متزعليش .. كل دا في الميزان
يمكن ذنب تأخيرك علي معاد مقابلة والدك
Post a Comment