الى المجاهدين الصامدين فى وجه الظلم والظغيان والمحبوسين ظلما فى سجون الطغاة

ميهمكوش

ميهمكوش

بنقولكم ميهمكوش

وظلمهم ميهزكوش

ونهبهم ميهدكوش

ميهمكوش من بطش بوش

ميهمكوش من بطش أتباعه اللى باعوا و مشتروش

من بطش أصحاب المناصب اللىغيرها ميعبدوش

من بطش أصحاب العروش

من نهب أصحاب الكروش

من غدر عبد المنفعة

واللى معندوش مجدعة

واللى من خوفه يموت لما يسمع فرقعة

واللى مش هايجيله راحة مهما يحشد من جيوش

ميهمكوش

ميهمكوش

من كتر أعداد اللى خافوا

من كتر أعداد اللى باعوا

من كتر أعداد اللى ضاعوا

دوله أصفار ميساووش

دول زى أسراب الهاموش

دول زى قطعان الغنم ينساقوا ....أبدا ميسقوش

ميهمكوش

أنتوا الأيادى الطاهرة

فى غزة أو فى القاهرة

فى البصرة أو فى أنقرة

وف كل أرض الله بصمتكوا واضحة وظاهرة

وانتوا الأساس فى أرضنا مانتوش مجرد ظاهرة

وهتفضلوا انتوا الأساس وبلادنا بيكم عامرة

وايديكوا بالخير ممدودين وقلوبكم صافية وطاهرة

فاتوكلوا ع اللى خلقكم ولغيره متسجدوش

والنصر قادم متخافوش

ميهمكوش

دا انتوا النشاما ف أمتى

انتوا الأمل ى محنتى

انتوا الفرج من كربتى

انتوا المتاريس اللىتحمى أرضنا من بطش بوش

أو أى حد من عبيده......اللى من الله ميخافوش

ومن الشعوب مبيختشوش

والشعب ليكم انتمى

وانتوا اللى راح تحموا الحمى وللعدا متخضعوش

وانتوا العيون واحنا الرموش

وانتوا السلاح

واحنا الرصاصة والزخاير

والشعب ثاير

والشعب كله يقولكم

خلوا ايديكم ع الزناد وللعدا متسلموش

ميهمرب العباد بيقولكم ميهمكوش

كيد الشيطان أصله ضعيف......وبصبركم ميضركوش

وأصل كيدهم مهما زاد أخره فشوش

واحنا جموع الشعب هنا بنقولكم متفرطوش

وعن طريقكم متحيدوش

وللجبان مترضخوش

وللعبيد متسمعهوش

و غير الله متسمعوش

وأى شئ يحصل لنا ميهمكوش

واحنا هنا من خلفكم ألاف ......جيوش

سلاحنا طاعة ربنا واحنا غيره منهابوش

هو اللىقادر ع البلا يصدوا ...يحوش

ويقوله كن كله يكون....وبأمره تنهد العروش

ميهمكوش

ميهمكوش كل اللى حاصل

ميهزكوش خذلان خاذل

دا العدل مهما غاب فوق الأرض نازل

والظلم زايل

والملك زايل

والكل تحت الأرض نازل

والكل جوه القبر داخل

ومفيش هناك الا العمل عنك منازل

وهناك هتنكشف المهازل

وهيجوا شايلين اللى سرقوه من المنازل

والجنة ليكوا يومها تتقسم منازل

وبكل قرش هايسرقوه.....ليكم من الجنه مقابل

والظلم نار

وعذابه يوم العرض باللى ظلموا نازل

ومن الجحيم ليهم سلاسل

وف يومها يفهم كل جاهل

كل اللى اللى غره سلطته يظلم وبستلم المقابل

دا الرب عادل

دا الرب عادل

واللى يقدم فى الحياه.....ليه فى الأخرة مقابل

اللهم أشفى ياسمين محمد حافظ

كما تعلمون أننا ومنذ بداية القضية كل أهالى المتهمون أصبحنا عائلة واحدة نسأل و نطمئن على بعضنا البعض يوميا تقريبا وهذه الأيام أصيبت ياسمين بنت الدكتور محمد حافظ واحد من المعتقلين المحالين لمحكمة عسكرية باتهاب حاد فى الرئة

و دخلت العناية المركزة وستجرى عملية خطرة غدا تقريبا

أوصيكم الدعاء لها كثيرا

فى أعتقال أبى السابق كان سنى لا يتعدى السبع سنوات كنت صغيرة لاافهم لمذا أبى فى المعتقل حتى أنى كنت أنسى مصطلح معتقل ولا أعرف ماذا أقول عندما يسألنى أحد عن مكان وجود أبى كنت كثيرأ ما أسأل أمى بابا طيب و كويس ليه أخدوه طيب ديه بلد مش بتحب الناجحين الكويسين أحنا ليه عايشين فيها

كنت أتفادى أى أحد يتكلم عن هذا الموضوع فى مدرستى من أصحابى أو من مدرساتى

لكن عائشة من الممكن أن أقول أنى أري فيها نقيضى تماما فى تناول القضية

فهى لا تترك أحدا تعرفه الا تحكى له عن أبوها البطل الذى أختاره الله أن يكون واحدا من الصف الأول فى محاربة الفساد

وليس هذا فقط ولكنها أيضا تقرأ جريدة الدستور يوميا وتتابع أخبار القضية وتحاول أن تفهم وتسأل أبى أثناء الزيارة عن مالا تفهمه

أبى أنت حر رغم القيود

سيأتى أبتى

سيأتى يااخوتى صدقونى سيأتى.......الحق سيأتى سيأتى أبتى

وسنفرح بقدومه سيأتى اليوم الذى تحلمون به

ستأتى الأفراح التى تنتظرونها

سيهون الله عليكم رمضان ياأخوتى

سيعاقب الله كل من باعد بيننا و بين أبائنا وسيجزيهم سوء العقاب

ناما وهم يدعون على الظالمين

فى المحكمة العسكرية الأخيرة منذ يومين كان اليوم صعبا علينا جميعا _كل أهالى المعتقلين_ وذلك بسبب استقبال رمضان بدونهم

كنا جميعا نبكى و ندعى على الظالمين الذين فرقوا بيننا و بين أبائنا

كانت الجلسة بالنسبة للشهود والقضاة جلسة ستنتهى و سيرجع كل واحد فيهم بيته ليفرح ويهنأ مع أولاده بقدوم الشهر

الجليل ونحن تبكى قلوبنا

كان أنس وعائشة متأثرين جدا لعدم تواجد أبانا فى شهر رمضان معنا فهو الشهر الوحيد فى السنه التى يتواجد فيه أبى بصفه دائمة فى المنزل

وجاءت فكرة الخطاب الذي كتبه أنس خلال تواجده فى قاعة المحكمة ليخاطب الانسان وليس القاضى ولكنه شعر بعدم جدوى هذه الطريقة أيضا

وعندما أنتهت الجلسة رجعنا الى منزلنا أنا و أمى وأنس وعائشة اللذان ناما فى الطريق بعد دعائهما على الذين يظلمونهم