فرح أختى مريم محمود عبدالجواد

كان لازم أروح فرح وحبيبتى مريم بنت المعتقل محمود عبدالجواد حسيت ان ده يوم صعب على أى بنت و على أى أب وكان صعب أكتر أنه أبوها ميحضرش فرحها كان فعلا موقف صعب

يمكن الحسنةالوحيدة اللى عملها فينا لنظام أن خلانا كلنا عائلة واحدة بنفرح مع بعض و نزعل مع بعض أد ايه كان يوم صعب عليا وعلى كل الى فى الفرح ولكننا حولنا على قد ما نقدر نخلى العروسة فرحانة أنا طلعت قعدت فوق قبل لما تنزل للمعازيم

وقلتلها اللى احنا فبه ده جهاد وأنتى ثوابك عند ربنا كبير وكمان كلنا بدعوتنا عليهم مش هين عند ربنا ان شاء الله

من الحاجات الى فعلا كات مؤثرة جدا فى الفرح ....أول لما وصلنا كان فيه صورة لعمو محمود على البيت مكتوبة عليها لا للمحاكمات العسكرية

كمان من الحاجات المؤثرة جدا لما نزلت العروسة من بيتها وكان عمها هو اللى بيوصلها للعريس فعلا كلنا كن ماسكين نفسنا ولكن رغم كل الحاجات ديه كان الناس كلها موجودة و بتبارك للعروسة والعريس

كلنا فرحنالك يا عروسة وكلنا بنقولك ربنا ان شاء الله حيعوضك خير و يرجع كل المعتقلين بالسلامة لاهاليهم