سرقوا كل حاجة

انا خديجة مالك انا حأحكى عملوا زوار الفجر فينا أيه لاما جاءوا لاعتقال أبى

كان يوم 23-12 ميعاد سفر أبى و أمى و معاذ أخى الأكبر لأداء فريضة الحج وعندما ذهبوا الي المطار وكانت طائرتهم الساعة السادسة كلمتنى ماما و قالتلى بابا مش حايسافر ياخديجة نزلوه من الطائرة و هو محرم و قالوا له مش حاينفع تسافر اليوم ممكن تسافر بكرة و فعلا بابا كلم أخويا عمر وقال له تعالي خدنى من المطار و بعد ساعة رجع أبى الي البيت -و سافرت أمى و معاذ -و قاللي شكلهم كده مش حايرضوا يسافرونى حسبي الله و نعم الوكيل

جاءوا الساعة الواحدة صباحا تقريبا دخلوا البيت و دخلوا على أبى و هو نائم و دخلوا عليا و أنا بدون طرحة ,جمعونا كلنا فى غرفة واحدة ماعدا أبى و أخذوا جميع الموبيلات حتى لا نكلم أحد

فتشوا كل ركن فى البيت حتى الحمامات كانوا تقريبا 50 واحد غير العساكر, عسكرى منهم واقف بسلاح على الباب

و أخذوا الكومبيوتر وخزينة أمى كان فيها كل دهبها فهم بعد أن طلبوا منى فتحها ليروا ما فيها و تأكدوا أن فيها دهب فقط أصروا علي أخذها

لن أقول غير حسبى الله ونعم الوكيل فى كل من اقتحم بيتنا فىنصف الليل وروع أخوتى و أخذوا دهب أمى وأعتقلوا أبي